منتدى مدرسة كفر الدوار الثانوية للبنات
اهلا ومرحبا بكم فى منتدى مدرسه كفر الدوار الثانوية للبنات
ونتمنى ان يكون تواجدكم معنا تواجدا مثمرا
نفعنا الله واياكم بالعلم والمعرفة
هبة محمد على

منتدى مدرسة كفر الدوار الثانوية للبنات

منتدى مدرسة كفر الدوار الثانوية للبنات
 
الرئيسيةبحـثالتسجيلدخول

شاطر | 
 

 اهداء من سمر نبيل الى الشعب المصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سمر نبيل
عضو


انثى عدد المساهمات : 85
العمر : 24
العمل/الترفيه : طالبه

مُساهمةموضوع: اهداء من سمر نبيل الى الشعب المصرى   الأربعاء يوليو 21, 2010 8:57 pm

احنا اللى بيضنا الأرنب بالفهلوة وحلبنا التور
احنا اللى كعبلنا النملة وجبنا لبن العصفور
احنا اللى يحكمنا مبارك ونظيف وشريف وسرور
احنا اللى عشان رغيف ناكله واقفين فى طابور
احنا اللى نص مرتبنا رايح فى فاتورة مية ونور
احنا اللى نرصف فى الشارع والصبح نلقاه محفور
احنا اللى كل ساعة حادثة نطلع منها بضحايا وكسور
احنا اللى أ كلنا الفول ابو سوس فى طبق بنور
احنا اللى هارينا ضرايب هذا الخايب غالى المسعور
احنا اللى فينا يقول لأه يصبح جانى وكلنا جايين بالدور
احنا اللى الكبير ياخد رشوة وعاوزين الطابق مستور
احنا اللى عاوزينا نهاجر م الدنيا نبعد ونغور
احنا اللى اعضاء مجاليسنا جايين بالزور
احنا اللى فينا يقول حقى فى القسم يتشد على خابور
احنا اللى نطرد الفلاح من أرضه ونحول المزروع الى بور
احنا اللى ابن الباشا يغش وان قلنا لأ ننضرب بساطور
احنا اللى يغلط فينا يقول: انا يا با عبد المأمور
احنا اللى فى كل حياتنا متعلقين فى سواقى بتدور
احنا اللى نقدم ونأخر فى الساغة على كيف طرطور
احنا اللى دهنا الهوا دوكو وخرمنا القرش بلا شنيور
احنا اللى طلعنا من المية وجننا عروس البحور
احنا اللى رجعناها حلوة جميلة العجوز ام منخور
احنا اللى ريسنا بيجرى واحنا وراه نلهث فى طابور
احنا اللى ريسنا حبيبنا راجل جدع مش عايش الدور
احنا اللى كل مايتكلم يقولنا :كتر عددكم وانا معذور
احنا اللى 30 سنة فى طوارئ وعشان جمالنا جه الدستور
احنا اللى كاتمين على صوتنا داخل بلدنا وبرة السور
احنا اللى لازم نتحرك ونطالب برجوع الحق المهدور
الرجوع الى أعلى الصفحة اذهب الى الأسفل
 
اهداء من سمر نبيل الى الشعب المصرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة كفر الدوار الثانوية للبنات :: ابداعات :: من ابداعاتى-
انتقل الى: